國務院總理李克強尋日在北京向全國人大發表工作報告時提到港人治港、高度自治方針，點知一眾在港嘅泛民主派人士就好似執到寶咁紛紛急急回應。好似有「AV仁」之稱嘅民主黨立法會議員何俊仁就話覺得高興，認為係重返正軌，反映中央重視港人感受喎。不過，身在北京嘅政協委員、工聯會立法會議員陳婉嫻就話，中央對港嘅方針一直都存在港人治港及高度自治，只係去年工作報告冇提及啫，莫非佢暗示泛民唔好就此炒作生事？
