回收車阻街 警檢控不力
元朗鳳攸南街常有車輛違泊，更有回收店將回收籠與車輛停泊行車路上，令交通大為受阻。駕駛者李先生不滿行車線常被回收車與違泊車輛佔用，嚴重阻塞交通，「架回收車日日停喺度做生意，啲回收籠同車仔就放晒出嚟，霸咗成條行車線，啲車仔雜物仲碌出嚟，隨時搞出意外！」
市民指罰則欠阻嚇力
警方發言人表示，前線人員會按現場實況檢控違規車輛和相關人士。根據紀錄，去年二月至今年一月，警方曾接獲一百五十二宗涉及上址的「汽車阻塞」和「違例泊車」投訴，並發出逾三百張定額罰款告票。警方會繼續留意上址和加強執法，以確保道路暢通。
「好明顯檢控得少，罰則阻嚇力都唔夠，先繼續有咁多人違規！」李先生認為警方執法力度不足，要求加強巡查及執法，檢控違泊及佔據路面人士，確保道路暢通。