政情：陳振彬：掌青委會毋須年輕
青年事務委員會主席陳振彬（Bunny）做埋今個月就卸任，但繼任人選一直只聞樓梯響，唔通Bunny會多坐一會？不過，Bunny斬釘截鐵否認連任，又話下任主席年紀唔係最重要。
Bunny去年因為以五十六歲之齡任青年事務委員會主席，而被外界質疑佢究竟代唔代表到年輕人意見，但Bunny話委員會係就青年政策提供意見，唔係「青年議會」，要有心得、有經驗、有時間先至勝任，所以年紀唔係問題。
早前盛傳香港青年聯會主席霍啟剛會由委員會成員升呢做主席，Bunny就話人選除咗可以喺委員會內物色外，外面都有好多選擇嘅。唔知呢個位最後由邊個接手呢？