香港回歸十八年亂足十八年，何以致之？最明顯的莫過於用人不當，特別係人稱「廢鑊」嘅前食衞局前局長周一鑊，任內八年屢爆傳染疫症及醫療失誤，其對雙非嬰兒及醫護人手不足等問題亦後知後覺，終在一二年六月底，隨同貪曾任期屆滿後被「叮走」！
之不過，一三年三月，「廢鑊」又獲翻閹為平機會主席，佢上任至今逾兩年，最叻就係研究並就極具爭議性嘅歧視條例「四合一」檢討諮詢，其中在《種族歧視條例》更探討新移民、居港年期等是否應受到保障，惹來更多爭議，令社會矛盾進一步尖銳化。廢官翻閹，一如老朽早前所指出，只能變成一堆廢柴，不燒成灰燼，頂多也只能是小狗吃牛屎──只看堆頭大！老子話「治大國若烹小鮮」，如今周一鑊卻「廢掌平機會如烹盛宴」。
據本報獨家爆料，廢柴周一鑊在未有充分諮詢其他平機會委員下，自行建議加設一個月薪十六萬元嘅營運總裁職位，廢柴話，呢個位為「主席副手」，可分擔佢「沉重」職責，讓佢可以專注對外交流，建立平機會嘅形象……
平機會成立十九年，正經事沒做過一件，最惹人注目就是醜聞多，尤其肥上瘦下，亂花公帑；「廢鑊」今趟又饞得忘形，佢樣樣糊塗，難得一樣清醒，就係深明平機會嘅人事編制、加薪請人等，幾乎完全不受政府或立法會監管，地位猶如「獨立王國」，有權不用，過期作廢，不管外界批評呢個新職位係「度身訂造」或大幅減輕自己工作量卻不必減薪；講得俗啲，既然無王管，硬心腸一如硬雞巴，自己過癮，廢柴添廢料，一樣有能量，你哋又吹得我脹咩？
平機會喺周一鑊掌管下，只會繼往開來淪為更矚目嘅「大花筒」，而廢柴周一鑊在其王國繼續混扯混日子，臭罌出臭草，納稅人真係睇到就眼冤。