中環出更：政總屢被圍 嚴迅奇傷心
外號「門常開」嘅添馬艦政府總部去年受佔領行動影響，多處出入口一度遭圍堵。而佔領行動去年底結束至今已有兩個多月，「門常開」、俗稱「公民廣場」嘅政總東翼前地、立法會大樓等一帶仍然多處「被圍」，講緊嘅係被一堆鐵馬圍住晒，防止再次爆發衝突，搞到設計政總嘅建築師嚴迅奇（Rocco）好傷心。
批佔領者只識示威
Rocco接受外國傳媒訪問時話，鐵馬代表所有人唔再互相信任，違背設計原意，其後又批評佔領人士無將「門常開」範圍用到盡，非常嘥料。
Rocco舉例指，好似添馬公園，本來預咗畀人享受公共空間，點知示威者只識得示威，唔識搞慶祝活動，等喺政總返工嘅人一邊返工，一邊望住佢哋玩，場面幾得意。
卓妮