政情：今日你上鏡：梁美芬拜年

唔少立法會議員都趁新春期間離港小休，其中立法會議員梁美芬（鼠王芬）就同老公、城大法律學院前院長王貴國返河北過新年，仲特登喺河北古老四合院前合照同各界拜年。鼠王芬話，每隔一兩年都會陪老公返鄉下探親，而今年撞正落大雪，一家人過咗個白色新年，而且覺得摸落去軟綿綿嘅雪特別靚。對於金融服務界議員張華峰前日爆料指，鼠王芬原先答應扮「何仙姑」齊齊賀年但「甩底」，鼠王芬解釋係因為一場大雪，當地公路一度要封閉，所以真係冇辦法趕到返來喎。