港區人大代表吳秋北早前放風，話想將內地《國家安全法》納入《基本法》附件，但最終慘食檸檬，唔少港區人大都話暫時唔打算同佢一齊聯署。不過點知臨近三月「兩會」前夕，吳秋北死心不息又靜極思動，表明仍然會按照計劃提出聯署，不過講到明會爭取港區以外嘅人大代表聯署。如果吳秋北真係付諸實行，到時分分鐘有機會搵到啲新疆代表團嘅人大代表、西藏代表團嘅人大代表聯署關注香港事務，唔知到時會否引發另一場爭議，畀人質疑呢個做法係咪影響香港「一國兩制」呢？
