探射燈：八白財星降北方 北區最旺
「香港島嘅話，暢旺地區就係灣仔、銅鑼灣、天后同北角一帶；九龍就係九龍塘；新界區就係上水、粉嶺、古洞一帶。」玄學家方海閱指，羊年「八白財星」飛臨到正北方，北區成為全港流年最旺的地區，經濟發展有優勢，該區的食肆、店舖生意相信會較興旺。
而另一玄學家蘇民峰指，二○○四年至二○二四年間旺西南有水的地區，故港島西及九龍西一帶的樓價在二十年間升幅凌厲，而受惠港島線的開通，港島西區發展將更為強勁，「因為買樓唔係買完一年就會轉第二度，所以會長遠啲去睇。○四年開始見到香港西、九龍西都升，依家堅尼地城兩萬幾蚊一呎，好勁。」
至於流年當旺行業花落誰家？方海閱指，以立春當日計，八字五行火較旺，羊年當旺的行業仍是屬火的行業，如電子、電訊、影視娛樂、化工、化妝品等。立春日五行中，金、水較弱，屬金的金融、股票、外匯、黃金、鋼材，以及屬水的飲食、酒店、航空、物流及零售行業，或會有機會走下坡。