九龍：醫院升降機口寫揮春 阻人出入

院方稱日後或增派義工協助

蔡先生直指工作大受影響，「醫院整咗個寫揮春攤位擺正喺升降機口，繁忙時間多人行過，街外人又圍晒嚟睇。呢度成日都有人推輪椅出入，搞到啲醫護人員都要就住就住，個場面好亂。」

九龍醫院發言人表示，有關活動目的為病者在臨近農曆新年期間送上暖意及祝福，活動現已圓滿結束，院方日後在舉辦同類活動時將多加留意有關問題，有需要時亦會考慮增派義工協助，以免行人通道受阻。

「咁多地方可以寫，都唔明點解會揀咗喺嗰度寫，啲人加埋個攤位霸咗大半條路，慶祝之餘都唔應該阻到日常運作！」蔡先生希望院方能吸取是次活動經驗並作檢討。