財政司長長曾俊華（鬍鬚曾）將於大年初七「人日」公布新一份財政預算案，正當全港市民靜候佳音之際，尋日我哋就見到財爺嘅FS政府座駕泊咗喺薄扶林道瑪麗醫院外，莫非鬍鬚曾因為制訂預算案搞到壓力爆煲要入廠？抑或心臟又有事呢？過咗無耐，我哋見到一名身穿黑衫嘅女士步向座駕並上車離開。財政司司長辦公室發言人話，鬍鬚曾因為忙於開會，所以委託家人到醫院攞藥，並無咩特別事喎！
