立法會公務員及資助機構員工事務委員會尋日開會，議員劉慧卿忽然提及「貪湯」前廉政專員湯顯明涉及連串貪腐醜聞，質疑其他廉政公署人員當年未有主動舉報貪湯，「好多人喺廉署見到」、「仲幫佢煲中藥」。卿姐問得咁突然，公務員事務局局長鄧國威只好回應話，公務員及管理層若知悉有關情況，一定要投訴，重申廉署對投訴會保密喎。不過，即使廉署點樣保密都好，事實上當時無廉署職員敢投訴或舉報貪湯，否則點會搞到貪湯使公帑愈使愈離譜吖！事發後仲要調查咁耐都未有交代添！
