上環：永樂街違泊霸道 警執法不力
「呢段路本身係雙線行車，但其中一條線永遠畀啲違泊車霸晒，整窄晒條路，每次揸車經過都要就住就住，真係好麻煩！」李先生經常駕車經過上環永樂街，發現上址違泊嚴重，長期有車輛違例泊滿一條行車線，不但影響道路暢通，亦威脅道路使用者安全。
警方發言人表示，一直有留意上址交通情況，並不時進行交通執法行動，由一三年十一月至去年十月，中區警署共接獲二十七宗涉及上址的車輛違泊及阻塞投訴，期間共發出三百二十八張定額罰款告票。
司機盼「巡得密啲」
不過，李先生直指現時上址的違泊問題仍然未有改善，建議警方加緊巡邏和執法，以改善道路擠塞的情況，「話就話有執法，但都係冇改善到個問題，希望警方派人巡得密啲！」