今年施政報告為咗應對人口結構變化，會考慮參照外國研究制訂人才清單嘅可行性，但泛民主派就指控政府引入內地專才，係要「換血」咁話。民政事務局局長曾德成尋日休假都發表網誌，反駁泛民嘅講法，仲搬出兩千多年前、戰國期間楚國人李斯向秦王政寫嘅《諫逐客書》，話當年如果秦國真係驅逐六國客卿，就唔會有中國第一個「天下一統」嘅大業，勸勉港人要好似秦國咁廣納人才喎！
