早前被民主黨主席劉慧卿形容已「走火入魔」嘅基本法委員會委員陳弘毅，尋日又喺一個政改研究會上提出「新」建議，就係將佢早前提出嘅「白票守尾門」方案，結合其他法律學者同溫和泛民提出過嘅「排序式」同「反對票」制度，等選民喺將來嘅特首普選中有更多選擇，揀一個候選人又得，分次序支持晒三位候選人又得，或者個個都反對、甚至直情投白票都得。之但係泛民早已表明，任何喺人大決定框架下嘅方案佢哋都反對，不論陳弘毅點樣炒雜燴死，泛民都唔會「食住先」架喇喎！
