政情：今日你上鏡：「祥」談退休生活

中環香港會所經常有政商界名人出現，有日中午我哋就遇到立法會前秘書長馮載祥（Ricky）同太太馬潔嫻去食晏。Ricky唔經唔覺已經退咗休六年，而佢太太亦於一二年後退休，同佢一齊享受人生。Ricky夫婦做咗中環人幾十年，退休都離唔開中環，但時間上就有所調節。Ricky話，依家佢哋深居簡出，每晚十點半左右就上床瞓覺，除非有老友辦喜事如婚宴等，否則都謝絕一切晚上嘅應酬喎，難怪佢兩公婆Keep得咁好嘞！