立法會政府帳目委員會尋日發表報告，狠批民航處新總部大樓工程「無規無矩」，更用「痛斥」字眼譴責民航處處長羅崇文故意疏忽職守。帳委會主席石禮謙解釋，羅崇文作為公務員竟公然違反政府守則，令民航處儼如「獨立王國」，嚴重程度相當於「貪湯」前廉政專員湯顯明，所以同樣要用「痛斥」字眼。睇嚟「雙貪」「貪曾」前特首曾蔭權爵士同貪湯以後都不愁寂寞，皆因佢哋多咗個新「兄弟」，真係貪得熱鬧！
