爛招牌未清拆 途人變驚弓鳥
「啲光管露晒出嚟，唔好話成個招牌跌落嚟砸死人啦，就算吹爛啲光管，玻璃碎仙女散花咁散落嚟都會有人受傷啦！」家住北角的李先生指，區內食肆及商舖近期頻頻易手，惟不少商戶遷出後卻遺下招牌未有處理，早前又在渣華道發現一個棄置招牌，「個招牌蓉蓉爛爛咁，肯定唔係一朝一夕嘅事啦，點解可以咁耐都冇人理o架？」
市民斥「唔通戴頭盔出街？」
屋宇署發言人證實，接獲轉介後已派員實地視察，發現一個破損招牌，已根據《公眾衞生及市政條例》向有關人士發出《拆除危險構築物通知》，以着令清拆。
李先生不滿屋宇署處事效率緩慢，未有確保樓宇結構安全，令市民生命安全備受威脅，每日過路如驚弓之鳥，「佢哋真係唔見棺材唔流眼流！一日唔搞出人命就一日闊佬懶理，咁樣做嘢法，唔通要市民戴頭盔先至出街咩？」