攤檔霸道 買餸舉步維艱

「好似發噩夢咁 寧願食少餐」

「我一個人住，平時都係自己落街買餸煮飯食，但我要坐輪椅，呢個街市好多檔口都擺晒啲貨出嚟，搞到條路好窄，我部輪椅根本過唔到，最慘有時行咗入去出唔番嚟！」需以輪椅代步的李先生經常到長沙灣保安道街市購物，直指攤檔阻塞通道情況嚴重，每屆「買餸」繁忙時間，輪椅更難以行走，以致「有入冇出」，「好似發噩夢咁，有時都避咗唔想入街市，寧願食少一餐就算！」

記者曾於下午繁忙時段實地了解，發現街市內人流甚多，當中不乏行動不便的長者，部分更需以輪椅代步，位於地庫的菜檔及水果檔原設寬闊通道，但兩側卻擺放大量貨物，令往來者需側身讓步方能通過。地面樓層的乾貨舖雖人流較少，惟通道卻甚為狹窄，至於鮮魚區的阻塞通道情況則最為嚴重，兩邊雜物擠得水洩不通，令購物者舉步維艱。

食環署發言人承認，過去兩年共接獲二十一宗相關投訴，並提出六十二宗檢控。發言人強調，該署一直關注上址攤檔貨物阻塞通道情況，除經常派員巡查及勸喻檔戶切勿於通道擺放貨物外，亦不時採取突擊行動，接獲轉介後亦派員巡查，發現有兩個攤檔在通道放置貨物造成阻塞，已即時提出檢控。

保安道街市附近有多個公共屋邨，通道阻塞對購物長者及行動不便者造成極大不便。	檔戶將雜物放出舖外，令原本寬闊的通道大幅收窄。	陳鏡秋指近年不少居民投訴保安道街市通道阻塞，要求食署根治。

促加強教育 打造「無障礙」環境

「年近歲晚大家都想做多啲生意，但都唔可以擺貨物阻住成條行人路，特別係阻到傷健人士！」深水埗區議會環境及衞生委員會主席陳鏡秋指出，近年接獲不少街坊反映，指上述街市檔戶阻塞通道情況嚴重，認為食環署應嚴厲執法外，亦應加強進行宣傳教育，締造真正「無障礙」購物環境。

立法會議員麥美娟亦勸喻街市檔戶須遵守規定，切勿將貨物放出界外範圍，「其實食環署已經喺部分檔口出面畫咗黃線，貨物可以擺到出嗰個位，如果咁都過界，唔好話輪椅使用者，連普通市民都行唔到！」麥亦指通道倘過於擠迫，將減低市民購物意欲，最終只會造成食環署、檔戶及市民三輸局面，「所以食環署應該執正嚟做，如果唔係大家都唔會守規矩，到頭來情況就會失控！」

記者：呂諾君