「特區雙貪」敗壞風氣，搞到香港嘅廉潔排名一路向下，在全球一百七十五個國家及地區中排名跌至第十七位，創八年新低！反觀新加坡在「透明國際」發布嘅二○一四年全球廉潔排行榜中，其廉潔指數排行第七，較一三年下跌兩位，但仍是亞洲排名最高的國家。
新加坡打擊腐敗絕不手軟，其廉潔高效一直以來聞名於世。舉個例，新加坡貪污調查局原助理司長楊少雄一三年被揭發於○八年至一二年間，挪用一百七十六萬坡元公款賭博，被判十年監禁！
香港對「特區雙貪」嘅案件，尤其係貪曾，查了近三年只落得「很快」兩字，至今特區政府依然掩掩遮遮，遲遲不肯將貪曾落鑊，搞到港人對香港嘅廉政大失信心。
廉署最新數字顯示，去年涉及公務員嘅貪污舉報只有不足七百宗，而同期的公務員貪污檢控人數卻持續上升，反映舉報下跌不代表涉貪公務員減少。明眼人都知，涉及公務員貪污舉報宗數急挫，並非政府在肅貪倡廉方面高歌猛進，而係「特區雙貪」令市民對廉署失去信心，減低舉報意欲。
眾所周知，一個社會只是一部分人講道德，另一部分人缺德；有德嘅人不香，缺德嘅人不臭；對缺德嘅人不能形成一個「過街老鼠，人人喊打」嘅輿論環境，咁呢個社會，好明顯就唔係一個健康、有秩序嘅社會。
貪曾食相難睇，「貪遍省港澳，歎盡海陸空」經本報揭露後，其舔盡人間之嘴臉可謂深入民心，講真，佢仲有面出來行，老朽真係服得佢好交關！唔通債多不愁，蝨多不癢，貪腐醜聞多了，面皮之肌肉也不會感到羞恥為何物？對貪曾事件一拖再拖，香港之廉潔風氣只會再壞下去，而市民對廉署嘅信心再往下跌，即使創科局撥款通過，套用鄧小平的話，經濟搞成功又有甚麼意義呢？