政情：公民講場：撐設創科局 有苦「莫」「賢」

立法會財務委員會本月加會處理積壓議程，為咗令創新及科技局撥款盡快通過，政府尋日背城借一，決定抽起正在審議嘅漁業貸款基金，今日會議直接審議創科局撥款，變相令漁農界議員何俊賢（高佬賢）要押後為業界成功爭取權益，不過高佬賢冇因而批評政府，反而將責任歸咎於泛民拉布；支持成立創科局嘅資訊科技界議員莫乃光（Charles）承認今次情況尷尬，一方面對調動議程有保留，但同一時間又唔希望泛民於創科局撥款拉布，睇怕高佬賢同Charles兩人今次都係啞子食黃連，有苦自己知嘞。