慈善基金：長者盛讚禮厚情更厚
「今日嚟到呢度好似大家庭咁，好熱鬧，仲好溫暖添！」兒孫滿堂的長者黎玉珍已年屆七旬，閒時皆會弄孫為樂，坦言從未出席如此大型的活動，更從未想像與逾百名長者一同玩樂的光景，故全程一直笑不攏嘴。珍姐直言送暖活動可讓長者感受社會滿滿的關懷，極具意義，「今次活動有禮物包拎，仲有咁多人陪我哋啲公公婆婆玩，真係好窩心，感覺好幸福！」
咕o臣被送暖 「好啱老人家」
珍姐雖患有心瓣脹大，需定期覆診及服藥，但仍無礙平日當義工，故已連續多年協助中心向其他獨居長者派發禮物包。至於與珍姐分屬好友的盧木好亦同為長者義工，七十七歲的好姐指六名兒女早已成家立室，並已開枝散葉，毋須為照顧兒女而憂慮，故數年前開始擔任義工，為其他長者服務，「中心有啲長者行動不便，自己生活幸福，都想將呢份愛轉送畀其他人，等多啲人都幸福！」當好姐接過禮物包後，即時將禮品逐件取出，並豎起拇指大讚「好豐富」，對咕o臣被更讚不絕口，「冬天就可以蓋住保溫，天熱就可以墊住背脊，坐得舒服啲，好多用途，好啱老人家用！」
珍姐與好姐皆讚賞禮物包內容豐富，對長者而言猶如一份窩心的祝福，珍姐說：「禮物包啲禮物好實用，但最重要嘅都係嗰份關懷！」二人最後不忘提早向一眾善長及長者拜個早年，祝願大家身體健康、生活愉快。
