民陣尋日發起遊行爭取真普選，初時預計會有五萬人參加，結果顯示真正參加人數少咗一大截，民陣號稱有一萬三千人參加，警方話高峰期只有八千八百人。仲記得民陣之前向警方申請不反對通知書時，警方喺不反對通知書內加入條款，要求民陣搵一百個糾察維持秩序，民陣召集人陳倩瑩當時曾經批評警方嘅要求無理。不過話分兩頭講，如果民陣唔係吹到咁大話有五萬人參與，就唔會被要求搵咁多糾察維持秩序，一句到尾都係自找麻煩！
