土木署嘥料 漁家銅像淪廢鐵
銅像瞬間淪廢鐵，土木工程拓展署變「大嘥鬼」！香港仔及鴨脷洲兩岸於一年多前進行美化工程，土木工程拓展署委託承建商設計以漁港風貌為題的銅像，未料擺放僅四個月後，其中一尊銅像即被指不符原有設計構思而遭棄置，並將與廢鐵一同被回收以作循環再用。區議員狠批政府決策混亂，令公帑白白付諸東流。
「點解個銅像設計得咁靚，但擺得嗰一陣就突然消失咗？」陳先生習慣每日早上到鴨脷洲海濱長廊散步，早前發現一尊以漁家女搖船為造型的銅像擺放數個月後即不翼而飛，向職員查詢後獲悉該銅像已遭棄置，並擺放在附近工地，「求求其其擺喺個貨櫃頂就算，同啲鐵枝、建築料放埋一堆，話咁快就由一件藝術品變做垃圾，真係好肉酸！」陳坦言對銅像有此「下場」大感惋惜。
計劃今年首季放新銅像
陳又指鴨脷洲海濱長廊與風之塔公園及鴨脷洲公園相接，平日遊人眾多，認為銅像未及市民欣賞已淪為棄物，有感浪費之餘，亦不滿當局從未張貼告示交代事件，「好多街坊喺度散步，又會帶小朋友嚟玩，仲有人會特登過嚟影結婚相同畢業相，整咁大個銅像都要使唔少錢，點解可以粒聲唔出就丟咗？」
土木工程拓展署發言人表示，當局於一三年十月在香港仔兩岸海濱長廊及鴨脷洲大街一帶進行美化工程，涉事銅像為項目之一，由承建商負責設計及安裝，構思階段曾諮詢地區人士意見。由於當局其後發現視覺效果與設計構思略有分別，遂於一四年一月將該銅像存放轄下工地，以待回收作循環之用，並已改善設計，又計劃將於今年第一季放置新銅像。
發言人續稱，美化工程尚在進行階段，目前並未備有銅像造價金額，而鑄造工作亦已開展，故未能將舊有材料用於新銅像上。
區議員鬧爆設計冇視野
「其實區議會一直想交畀經驗豐富嘅建築署去搞，依家完全係搵錯人，因為土木工程署只係執行部門，淨係識照辦煮碗去做，完全冇視野去做設計。」南區區議員區諾軒指出，旅遊發展局於二○○○年在香港仔推行地區旅遊發展計劃，○三年一場沙士令香港陷入經濟不景，令經費縮水達九成，計劃亦降格為地區美化工程，拖延多年後終交由土木工程拓展署負責，惟署方缺乏相關經驗，造成問題叢生，「佢哋啲諮詢工作做得好差，同區議會嘅期望有好大落差，好似廣場舞台設計得太斜、燈塔唔畀人上去，搞到街坊得物無所用，變相搵錢嚟嘥。」
記者：呂耀焜