政情：公民講場：打貪唔過河 貪曾未落鑊

各處鄉村各處例，估唔到連涉貪都係一樣。內地現時打貪雷厲風行，連唔少大老虎都被捉拿，搞到內地官場人心惶惶。點知呢種風氣過唔到一條深圳河，好似「貪曾」前特首曾蔭權爵士嘅貪腐案，查足三年先完成，但至今仍然未見廉政公署將貪曾「落鑊」，實在令人質疑貪曾係咪獲得厚待，不但令小市民啖氣啃唔落，仲將香港嘅廉潔核心價值都摧毀。如果貪曾呢單巨貪案喺內地發生，相信處理手法及速度會截然不同，貪曾絕對唔會好似現時咁逍遙快活，一國兩制就變成貪曾嘅護身符。