政情：今日你上鏡：陳家強留意「叮走公帑」報道

本報尋日獨家報道泛民議員去年喺立法會大會共響鐘多達四百五十九次，累計虛耗近七十小時會議時間，粗略估計合共「叮走」納稅人超過一千六百萬元公帑。財經事務及庫務局局長陳家強尋日喺中環香港會食中午飯後，自言有留意本報報道，苦口婆心希望議員為香港福祉着想，停止「拉布」。當問到新一份財政預算案會否「派糖」，陳家強就三緘其口，表明「呢啲嘢未講得住」，認真口密。