房署兒戲 渠蓋「轟」醒居民 木屑攝罅滅聲

德朗邨低層居民羅小姐直言入冬後夜夜難眠，原因竟與樓下渠蓋有關。「即使瞓着咗都畀佢嚇醒，成日『轟轟』聲，有時仲大聲到好似坦克車經過咁！」

途人行過都有聲響

羅期後發現聲響來自樓下渠蓋，每當有車輛輾過渠蓋，均發出「轟轟」巨響，不少低層住戶皆指會被噪音驚醒，多次向管理處反映後，情況一度有所改善，惜未幾即「打回原形」，「啲渠蓋係由好多格細渠蓋組成，啲車一轆過，就會一格撞一格，咁就梗係嘈啦，架車由入邨到出邨都聽到晒，搞到冇覺好瞓！」

記者實地了解期間，發現該邨渠蓋除普通沙井蓋外，亦有大範圍渠蓋由多格小渠蓋組成，每當有車輛經過，小渠蓋包邊鐵片便會互相摩擦而發出「轟轟」聲響，即使有途人行經渠蓋，同樣亦會造成聲響。

木屑	多格小渠蓋被輾過時互相摩擦，產生大量噪音，被指滋擾居民。

「小修小補 無助解決」

房署發言人指出，有關渠蓋設計使用廣泛，主要用以遮蓋電纜，早前曾接獲數宗有關途人及車輛經過渠蓋發出聲音之投訴，已安排承辦商在渠蓋加上吸音墊，以減少渠蓋碰撞而發出聲響。發言人續稱，將呼籲司機在屋邨範圍內以適當車速行駛，並考慮加裝車速限制標誌，提醒司機最高車速為每小時八公里，亦正研究加裝減速壆之可能性。

羅小姐單位面向車路，每有車輛經過渠蓋必聞得巨響。

何華漢

九龍城區居民聯會德朗邨總幹事何華漢指，德朗邨入伙至今一直跟進有關事件，並多次協助受影響住戶與房署商討解決方法，透露房署接獲投訴後，僅以木屑「攝住」以防鐵片互相摩擦，未有徹底解決問題，誠意令人質疑，「房署只係做啲小修小補嘅工程，根本無助解決問題，咁兒戲嘅措施，一、兩星期已經甩晒，噪音又再番嚟！」

何續稱，德珮樓對出馬路入夜後常有大型車輛駛過，以供應貨物予晴朗商場商戶，而德瑩樓對開馬路亦不時有私家車或的士駛經，儘管車輛流量不多，惟一聲巨響亦足以令居民嚇醒，尤以低層住戶最受影響，要求當局盡快採取可行措施解決問題。

記者 黃芷君、林永發