最近突然有建制派人士話要引入《國安法》，令香港政府再就《基本法》第二十三條立法嘅傳聞喺社會上鬧得沸沸騰騰。基本法委員會委員譚惠珠尋日話，目前睇唔到有需要引入《國安法》，但佢突然話鋒一轉，話第二十三條立法對香港係好事，反而會令香港社會穩定，如果早啲訂立仲對香港有着數添！眾所周知，原本中港矛盾已經好嚴重，經過佔領行動一役後，更加劍拔弩張，唔知珠姐係咪預視到香港將來嘅政治環境更加深不可測，所以認為愈早訂立第二十三條就愈好？
