今年《施政報告》其中一個焦點，就係政府已預留五百億元搞退休保障，原來財政司司長曾俊華（鬍鬚曾）事前唔知情，而佢本人一向唔太認同搞退休保障。話說尋日散會後，大家都追問鬍鬚曾點睇退休保障，佢當場梗係硬撐啦，但講講吓又話退保要認真研究，因為隨時會「爆煲」喎，似乎好唔願意搞退保咁。不過，一向做開「守財奴」嘅鬍鬚曾依家無喇喇預留多五百億元，分分鐘可能仲有着數，事關佢次次喺財政預算案前夕都被市民要求派糖，依家咪大條道理話無錢派囉！
