政情：孫穎勁擲七位數買畫「鎮館」
買磚頭以外，投資名畫、古董，都係名人新寵。「瑟琶公主」孫穎與鋼琴大師劉詩昆近年愛賞畫，早前趁歐洲之旅去畫廊入貨，劉詩昆對兩幅當代畫作一見鍾情，與孫穎豪花合共七位數字買下心頭好。孫穎去年將火炭六千呎豪宅大裝修，打造成私人博物館，此行就專登買入兩幅名畫，作「鎮館之寶」。
「講心唔講金」
孫穎話，本來同時睇中殿堂級大師畢加索一幅掃描畫作，叫價一百六十萬港元，價錢超筍，但望多兩眼，都係唔多啱心水，決定唔買：「好多人買畫只為畫家名氣，唔係用個心嚟欣賞，買入後發覺唔升值，就相當失落。」所以佢講心唔講金，買畫志在開心，甚少追逐價錢，若幅畫大升，就當係意外收穫。
不過，有幸發掘到一幅「潛質名畫」，的確好過等中六合彩。孫穎坦言，只要遇到知音人，一幅價值數十萬港元的畫作，隨時飛升至數百萬港元出售，發唔發掘到，就考你眼光嘞。