前日中午時分，我哋喺中環遇到「九巴後人」雷禮權準備去香港會所食晏，見佢精神爽利，唔知近況如何呢？佢透露最近訂咗件「新玩具」，就係最新款嘅美國Tesla電動跑車，即係之前我哋報道過立法會議員陳克勤試駕嗰款車，售價約一百萬元。雷禮權話，新車將於八月到港，佢當然好期待啦，仲大讚部車每次充電只需五十元，充一次電就可以駕駛到三百公里，環保之餘，計一計條數每年仲可以幫佢慳到十萬元汽油錢，好抵用喎！
