阿英節衣食粥 半工讀儲學費
【本報訊】二十二歲的阿英去年副學士畢業，今年再修讀社會科學自資學士學位課程，學費一年高達九萬元，平日要兼職做文員儲備學費︰「若大學減學費或增加助學金，最實際、最直接地減輕基層學生的財政壓力，唔使擔心一身『學費債』。大學一年賺咁多錢，最好用番喺學生身上。」
阿英一家四口的生活，靠做木工的父親每月平均約一萬元的收入維持。她稱︰「讀副學士兩年學費已用咗十二萬元，屋企人寧願慳啲供我讀書，都唔想借政府錢，令我孭成身債，好似畀舊大石壓住喺身十幾年。若要完成自資學士學位課程，至少要再讀兩、三年，到時好難唔借政府錢。」
「最多都係廿蚊餐」
為減輕家人財政負擔，阿英平日會兼職做文員，半工讀賺生活費，「平日都好慳，盡量唔出街食飯，即使出街食最多都係廿蚊餐食吓粥或者去快餐店食特價包。」她認為，大學可以將盈餘回饋學生，可減輕其財政壓力。
關注學童發展權利聯席青年組織幹事黎韻瑤指，本港不少青年如阿英一樣，均面對學業、就業及置業三重困難，「三個業都係『冤孽』」。她批評，現時資助學士學位不足，令不少有資格入讀大學的青年要「兜遠路」，先修讀副學士課程才能入大學，徒添學費支出。