政情：公民講場：大學生排公屋 陳振彬潑冷水

樓價高企，令時下好多青年人都話買樓難，有啲大學生仲話要去申請公屋添。青年事務委員會主席陳振彬（Bunny）接受傳媒訪問時，形容大學生申請公屋係「放棄自己」，理念有「少少歪曲」喎。Bunny覺得，大學生係社會優秀嘅一群，無理由要去申請公屋，畢業後應該去做幾年工作儲首期，供一層屬於自己嘅物業，呢啲先係青年人嘅朝氣。Bunny向我哋補充，如果政府能夠將居屋售價再下調，大學生畢業後做五至六年工作應該可以儲到一成首期，將來轉售才補地價補回市場差價。