有「AV仁」之稱嘅民主黨立法會議員何俊仁尋日宣布會喺否決政改方案後辭職，引發變相公投運動。「AV仁」今次打晒開口牌話要辭職，仲罕有咁被政府、建制派及泛民主派齊齊鬧爆，批評佢辭職搞補選係浪費公帑，損人不利己之餘亦無任何成效，多此一舉。「AV仁」平時喺立法會已經可以話係無乜建樹，去年仲被傳媒影到佢公然喺會議廳內睇日本水着女星同模特兒嘅性感艷照，因而被封「AV仁」稱號，所以佢真係辭職都算係一件好事，相信佢辭職後可以日日留喺屋企專心欣賞艷照喇。
