全國港澳研究會尋日喺北京舉行青年教育研討會，會長陳佐洱講到香港青年問題時話，香港嘅青年人聰明好學，但有相當一部分人嘅國家公民意識存在好大缺失，說明香港教育發展過程中出現唔少問題。佢又話，教育係長遠嘅政治，各股力量喺教育工作嘅累積，佔中就展現咗何謂「種瓜得瓜，種豆得豆」，邊啲係甜瓜，邊啲係毒豆，唔使細品已經了然。咩係「毒豆」相信唔使畫公仔畫出腸，但唔知佢心目中邊啲先至係「甜瓜」呢？又會唔會有人爭住出來認做「甜瓜」呢？
