政情:立會換咪兜 AV仁免狼狽

立法會一樓會議廳外一向擺放咗個膠製咪兜,方便議員同出席會議嘅官員接受傳媒「扑咪」。不過,由於個咪兜用咗好耐,睇落有啲殘舊,秘書處於是特別訂製一個木製嘅新咪兜,新咪兜望落好硬淨,外形仲同大樓木製建築好襯添。原來新咪兜仲附設自動升降功能,可以用遙控控制咪兜嘅高低,唔使吓吓要用人手調校高度,可調校嘅高度由漁農界「高佬賢」何俊賢到白鴿黨「AV仁」何俊仁都無問題。記得「AV仁」去年接受傳媒訪問時因為想調低個咪兜,結果整冧咪兜壓親攝影師個頭,相信今後唔會有呢啲狼狽場面嘞,咁講法,個新咪兜係咪要「AV仁」夾番錢呢?

第一手消息請下載on.cc東網iPhone/iPad/Android/Windows Phone Apps