自上月中清場後一直封閉嘅立法會大樓對開示威區，尋日終於重開，但大樓經過多次衝擊後，立法會特別在示威區加裝一米高乘十米長嘅鐵閘嚴防再被衝擊，亦作保護立法會人士出入之用。受惠者之一嘅議員葉國謙似乎對新鐵閘閘設計相當滿意，除咗鬧爆舊嗰批鐵馬係豆腐渣、無助防止衝擊外，又大讚新一批可移動鐵閘方便又穩陣。佢話，新鐵閘實質一米高，但內置腳踏方便立法會人士「跨欄」而出，仲可以作為屏障，防止立法會大樓嘅冷氣流失添！咁矮又通窿嘅鐵閘都話可以防止冷氣流失，認真騎呢！
