探射燈：攝鈉過多 飲水無法「溝淡」

關之義指，脾胃虛弱、燥熱的人不適宜食雞煲。

宜日常多吃含鉀蔬菜

「雞煲火鍋食嘅時候，人體已吸收咗當中嘅鈉，唔會因為飲多咗水而溝淡，第二日食清淡啲，幫助亦唔會好大。」香港營養師協會會長林思為指，想降低攝取鈉含量，應從日常生活入手，例如多進食含鉀的蔬菜。

香港中醫師公會會長中醫關之義指，脾胃虛弱、燥熱的人不適宜食雞煲，「兩星期食一次都嫌多。」關又指，若頻密食雞煲，容易導致消化不良，而進食雞煲後翌日可以飲用一些清淡的湯水，如豆腐湯、生菜湯，有助胃部消化。

少吃為妙 馮先生（大專生）：「呢個月食咗兩次雞煲，覺得好鹹同辣，如果高鈉就食少啲，一係食番普通嘅打邊爐。」

少吃為妙 林小姐（大專生）：「早排先同朋友食完雞煲，我覺得都幾冇益，又多油，啲菜仲索晒湯，如果高鈉只有節制啲。」