警方前日開始邀請有份煽動及組織佔領行動嘅搞手返警署協助調查，壹傳媒集團前主席黎智英（肥佬黎）唔知係咪收到風，幾日前鬼祟飛去台灣，但尋日返香港時又大鑼大鼓，都唔知佢想搞邊科。有記者問佢去咗台灣期間，警方有無打過畀佢，點知肥佬黎直認話有，只係自己身在外地所以無聽電話。咁就奇嘞，既然佢無聽電話，點解又知係警方打畀佢呢？照咁睇，肥佬黎一係老作，一係就有幻覺，聽到電話響聲就當係警方打畀佢，話唔定佢接到啲美容院宣傳電話、叫人借錢嘅電話，都幻覺係警方打畀佢呀！
