綠色先鋒：神奇蕉紙
經過了聖誕節及元旦大節日，港人吃剩了多少食物？近日有環保團體推算食環署轄下七十五個街市，每日丟棄的剩食總量，足夠一名成年人食用三十四年，足見香港剩食問題嚴重。藝術工作者丁曉嵐(Phyllis)不忍廚餘剩食淪為堆填物，不但參與推廣剩食烹調，最近更研究以香蕉皮、粟米皮、火龍果皮等製作再造紙，既好玩又實用，亦可藉此喚醒眾人對廚餘剩食的關注。
修讀藝術的Phyllis，曾與社區藝術組織活化廳合作製作《油麻地剩食圖鑑》及《深水埗惜食圖鑑》，透過實地考察及街坊訪問等方式記錄地區的剩食資料，再將資料圖像化，讓街坊透過圖鑑，便能輕易掌握區內剩食資料及處理剩食的貼士。計劃為Phyllis埋下環保的種子，「以前我唔係一個環保嘅人，真正意識到香港剩食問題嚴重係透過呢個計劃。」
參考蔡倫技術 剩食大翻身
她憶述，在社區搜集資料期間，親眼目睹食肆及超級市場每日浪費大量食物，感到十分震撼，「有啲超級市場可能包裝過程整得唔靚，啲食物大細唔一致，就會丟咗佢，但其實未過期仲食得。而茶餐廳就每日都倒掉好多檸檬皮，真係好浪費。」完成剩食圖鑑計劃後，Phyllis希望繼續透過自己的力量為環保出一分力。
「有好多家居垃圾唔可以再食番，好似蕉皮咁，應該點再用番呢？」Phyllis費煞思量，決定利用讀書所學到的專長，以香蕉皮、粟米皮、火龍果皮、葱蒜皮，製作再造紙，「呢類廚餘有共通點就係有豐富纖維，而紙都要纖維造成，所以就試吓用果皮造紙。」為了成功造紙，Phyllis參考《天工開物》，了解蔡倫的造紙術。她嘗試以多種果皮作材料，屢敗屢戰下，發現蕉皮的造紙效果較佳，「蕉皮比較堅韌，造出嚟嘅紙都會堅韌啲。」
圖：王卓輝
文：溫盈盈