探射燈：虛假陳述申許可證 串謀欺詐可判監

市民心聲
林小姐（大學生）：「限制得就係想少啲車入去，係人都入得，咁限制都冇用。」

非真正居民 不能享特權

「如果冇呢張租約，車主就享用唔到特權，可以通行管制道路，以欺騙手法得到通行特權，無論是放租人抑或車主都係串謀詐騙運輸署。」執業大律師陸偉雄表示，雖然難以輕言斷定租約真假，但若並非真正居民，卻申請居民用的許可證，輕則違反申請許可證時作出虛假陳述，可被判罰款五千元及監禁六個月；重則即觸犯串謀詐騙，最高刑罰可被判監十四年。

• 市民心聲
  梁先生（客貨車司機）：「就算可以入去做生意，但咁咪即係呃運輸署，犯法我唔會做。」

運輸署發言人稱，假如申請人於申請表作出虛假陳述，除觸犯法例，署方亦可取消有關許可證。署方會與警方保持聯繫，協助監察許可證的執行。