身兼屯門區議會主席嘅鄉議局主席劉皇發（發叔）多年來都係立法會「懶蟲」嘅常客，勢唔到佢尋日再下一城，連區議會「懶蟲」都名列前茅，事關於過去一年，佢喺區議會轄下委員會嘅出席率竟然低至兩成九，發叔接受查詢時只係拋下一句，「你鍾意點寫就點寫啦，我冇嘢講」，然後隨即收線。話時話，有外號「新界王」嘅發叔一響雙炮，蟬聯「雙料懶蟲」都神態自若，換轉係其他界別議員有類似情況，一早就被人踢咗出局，真係認真同人唔同命嘞！
