「父女戀」仰藥女主角 曾任私影模
【本報訊】「父女戀」九十後媽媽疑照顧初生嬰兒因壓力爆煲，前日在長沙灣大埔道翠竹苑寓所 以WhatsApp發送一張附有刀及藥物的照片予男友，仰藥企圖自殺事件，洋名Minnie的廿一歲女事主馮女，早年曾任私影模特兒，其後認識年長她卅載男友，共賦同居，並於約半年前誕女兒後，便沒有再接模特兒工作，她在娛樂圈的朋友稱她「戀愛大過天」，又指其男友亦收心養性，減少應酬陪伴女友和女兒。
湊B辛苦「壓力大」
馮女昨仍留醫，情況穩定，她的五十一歲姓陳男友，洋名Siemen，據悉，早年在金融公司任職高層，之後創業經營紅酒生意，而近年則在筲箕灣及西環開壽司店，有店員稱，陳不會提及自己家庭事，未帶過女友和女兒回店。另外，陳認識不少藝人，壽司店開業時許冠文曾前來祝賀。
有「翻版王君馨」之稱的o靚模譚詠怡（Victoria）是Minnie的好友，她指「知道佢（Minnie）自殺後，我都有send message（傳訊息）畀佢，好想勸佢唔好睇唔開，要頂住，仲有個BB要湊大！以前佢都有提及感情問題，間唔中都有話湊BB好辛苦，好大壓力！」
讀書時已多人追
而o靚模組合AD2前成員艾美琦（Amy）則稱，兩、三年前當私影模特兒時認識Minnie，「佢嗰陣喺IVE讀緊書，佢好靚女、好多人追，但係好低調。」她指Minnie「戀愛大過天」，為心愛男子會不顧一切。「不過佢有咗BB之後我哋都冇聯絡，佢都專心湊仔，冇做模特兒。我見到佢自殺嗰單新聞都好震驚，因為我識佢嗰陣，佢男友好愛佢，有BB後佢男友都冇乜出嚟食嘢、應酬，成日陪住佢。」Amy希望她珍惜生命。