東頭村道違泊 鮮見執法
居於美東邨的陳伯每天清早皆會到九龍城「歎早茶」，每次途經東頭村道均發現巴士站前後泊滿車輛，認為對駕駛人士的視線會造成阻擋，「我晨早出去已經見到有車泊，之後十一點幾經過又有好多校巴泊晒喺度，都冇咩見過警察嚟抄牌！」
警接轉介後加強巡查
警方發言人表示，東頭村道的東、西行線分別由黃大仙警區及九龍城警區管轄，當局一直有關注上址情況，並不時採取適當執法行動。過去半年共接獲三十七宗相關投訴，共向違例車輛發出近二百張定額罰款告票，接獲轉介後已派員加強巡查。
「我唔知佢哋有冇加強巡查，係有幾日少咗啲車，但之後都冇咩改善！」陳伯認為警方加強巡查的行動必須持之以恒，否則只會好轉數天即故態復萌。