煙蒂箱損毀 食署唔踢唔整

食物環境衞生署會於全港各區不同位置設置煙蒂箱供市民棄置煙蒂,但是被市民發現管而不理,損壞後亦欠缺維修。

「大街大巷都睇唔到?」

「個箱爛到甩皮甩骨,連度門甩埋都冇人理,食環署都唔知點打理!」居於荃灣的羅先生指出,沙咀道有行人過路處設置的煙蒂箱損毀,不滿食環署遲遲未有派員維修,「嗰度係大街大巷,又唔係偏僻地方,食環署點解咁都睇唔到?」食環署發言人表示,接獲轉介後派員巡查,發現投訴所指煙蒂箱損毀,已經更換。

「投訴咗終於有人嚟換咗佢,食環署真係唔踢唔郁!」羅先生希望食環署加強留意,主動巡查並確保轄下設施運作正常,勿再要市民「踢一踢先郁一郁」。

第一手消息請下載on.cc東網iPhone/iPad/Android/Windows Phone Apps