探射燈：綠色力量 籲當局加強節日清理
鳳凰山觀日深受行山人士喜愛，但日出過後卻垃圾處處。有環保人士指，政府在節日時應加強清潔人手及設備，市民亦應盡公民責任，保護環境。
有資深行山人士表示，鳳凰山是本港第二高的山峰，其日出景色更是美絕，「鳳凰山嘅日出特別靚，後面有山水做背景，襯托起嚟係一流嘅拍攝日出景點；相反大東山影到嘅日出只係水平線太陽升起嘅景色，所以唔少人都會揀鳳凰山嚟觀日，晚上亦適合觀星。」他指，愈來愈多新手行山，未有保護環境，經常把垃圾到處亂丟。
動物吃膠袋可致命
「維園年宵都可以做到喺朝早蒞臨前完成大部分清潔工作，證明係做得到，亦有人手，政府應該放置多啲有關設施喺山上面，節日時亦要加派人手處理。」綠色力量行政總幹事文志森指，市民也要盡公民責任帶走垃圾，「如果唔及時清走垃圾，啲垃圾會吹晒落山坡，膠袋亦會畀動物食咗導致死亡。」