自從教育局喺○一年推出中學課程改革，唔少中學嘅初中課程都取消以獨立科目教授中史科，令修讀中史嘅學生亦隨之減少。有人就質疑教改係「去中國化」嘅政策，甚至批評喺中史科增加香港史會導致港獨意識抬頭。而教育局局長吳克儉（吳得掂）尋日就喺網誌死撐，話政府好重視中史教育，亦決心優化中史課程同教材，上述睇法只係個別人士嘅偏見啫。不過，現時只有百分之四嘅中學以中史為主軸，喺咁少人修讀及教授中史嘅情況下，究竟吳得掂可以點樣重視中史科呢？
