新的一年開筆，理應講幾句大家受落嘅說話，譬如「美景良辰，喜見天時初轉泰；光風霽月，幸運人事又重新」，或者在政府鼓勵大家做農夫時，懷想遠念「苔痕上階綠，草色入簾青」，恭祝大地回春香港從此欣欣向榮！
之不過，一大早醒來，已感到流年不利：又要殺雞喇！二○一四年最後一日，由朝早到傍晚，撲殺長沙灣臨時家禽批發市場內一萬九千隻家禽。
一四年最後一日都要大開殺戒，未來兩個月，港人恐怕又要面臨冇活雞食！自九七回歸後，禽流感一直冤魂不息。當年，政府聽從專家建議，宰殺所有本地農場飼養的一百三十萬隻活雞，「禁雞令」延至九八年初，市民埋怨「拜神唔見雞」；當然，失望的不單是先人及眾神，而係「天天要食雞」嘅前衞生署長陳馮富珍，「雞珍」今已貴為世界衞生組織總幹事，早前接受《時代》周刊訪問，被問到不少人批評世衞反應過慢，佢好委屈咁話，世衞資源緊絀，這次疫情規模龐大，超出世衞所能控制，又話世衞處理伊波拉疫症的同時，還要兼顧許多疾病，世衞人員已承受極大壓力……
特區政府真係要向「雞珍」學嘢，嗱！好似佔領行動規模如此龐大，加上品流複雜，其幕後黑手又勾結外國勢力，已超出特區政府所能控制，加上警察又要「如慈母保護孩子一樣」保護一眾知法犯法嘅邪惡教授、淫賤黎、李漢奸之流，政府及警察真係已承受極大壓力。
佔領行動睇怕一如禽流感，遲早變成「風土病」，鬼咩，當局斬草不除根，處事拖拖拉拉，「中央屠宰」講咗當做咗，致使禽流感冤魂不息；如今，處理佔領行動又畏首畏尾，除惡不盡，知法犯法者不繩之以法，使其一有機會便死灰復燃、捲土重來，咁搞法，如果話香港新一年流年吉利，敲鑼打鼓都冇人會信喇！