政情：公民講場：戴放半年假　密謀再佔領？

港大法律學院副教授戴耀廷身為佔中發起人，被揭發多次以隱姓埋名方式捐錢畀港大，部分更用於佔中，但港大校務委員會竟然「放生」佢，又認為戴耀廷喺佔領期間無鼓動學生進行政治活動，仲離譜到批准戴本月中起休假半年。眾所周知，戴耀廷喺佔領行動結束時曾經揚言，如果政府唔順應民意，今年立法會就政改表決時，隨時可能進行第二輪佔領行動，而政改好大機會喺六至七月表決，咁啱戴耀廷喺上半年放假，莫非係為第二輪佔領行動做好準備？抑或預備隨時被警方落案起訴佢煽動非法集結呢？實在耐人尋味。