政情：公民講場：馮偉華歪理：中史科洗腦

國情教育由中史科開始，但自從○一年中學課程改革，就愈來愈少學生選修中史科，有建議話將中史列做必修科，但教協會長馮偉華尋日就喺電台節目上大力反對。佢話，如果以為唱好內地經濟發展，收緊言論自由就能增加國民身份認同係「斷錯症」，又話將中史科成為灌輸工具非常危險，所以係咪列做必修要有專業討論同社會共識。不過，中史除咗教中國近代發展，仲會有歷代興衰等重要課題，馮以偏概全咁話中史科用來唱好內地經濟發展洗學生腦，似乎唔太公道。況且大把人都讀過中史啦，有冇咁易洗腦呀？莫非馮偉華唔信學生有獨立思考？