政府將於明年初啟動政改第二階段諮詢，並向國務院提交民情報告，以回應學聯嘅訴求。不過，政府都講咗話會交民情報告，泛民飯盒會成員日前又決定整番份民情報告，仲想喺政府公布政改第二階段諮詢同日發表，真係多此一舉，話佢哋唔係搵位出風頭都無人信。
飯盒會召集人梁家傑話，泛民已經密鑼緊鼓製作民情報告，一月頭會再開多次會決定具體內容，希望可以快過政府份民情報告公布喎。
梁家傑又話，泛民份民情報告內容同政府嗰份差唔多，但係就唔單止係事件簿咁簡單，事關佢哋會加入前瞻同展望等內容，又會呼籲政府正視市民對真普選嘅訴求。
不過，政府份民情報告總算有齊正反意見，但泛民嗰份就淨係得撐佔領行動嘅意見，唔知會唔會偏頗咗啲呢？